الضباط لسه بتاخد فلوس برضه !!

[الاثنين, فبراير 20, 2012 | 0 تعليقات ]

روحت عشان احجز تذكره سفر من مكتب الخطوط السعوديه الى موجود في وسط البلد في شاره قصر النيل
طبعا انك تركن هناك دي مشكله كبيره ، و مش هتلاقي مكان خالص
فلقيت هناك بوابه للركن خاصه بالمكتب فوقفت قدامها لأن مفيش حد هيخرج اكيد من المكتب و انا هقعد جوه بس 5 دقائق مش اكثر
المهم خلصت و خرجت لقيت امين شرطه واقف بيقولي يا باشا انا اخدت بالي من العربيه
و محدش قرب منها
واهلا بيك يا باشا في وقت وواقفلي و بيقولي فين الحلاوه بتاعتنا بقي !!!
اان استغربت طبعا و بقيت مش عارف اعمل ايه
بس الى عملته اني مدتوش اي حاجه خالص طبعا
ما هو احنا لازم نغير من نفسنا بقي شويه ، و مش كل حاه نستني لحد لما تتغير هي لوحدها

انا بس كنت عايز اقول ان لسه الناس بتاخد رشاوي برضه كالعاده
و لسه مفيش تغير حصل للأسف
يظهر كده اننا هناخد وقت طويل على ما نشوف التغير ده
يارب بس ساعتها اكون عايش :(